Gramos Ruçi dërgon letër Kryetarëve Nik Gjeloshaj dhe Fadil Kajoshaj

0

Kryetari i Kuvendit të Shqipërisë, Gramoz Ruçi u ka dërguar sot një letër përshëndetjeje Kryetarit të Komunës, Nik Gjeloshaj, Kryetarit  të Kuvendit,  Fadil Kajoshaj, dhe banorëve të  Tuzit, me rastin e 1 shtatorit.

Ruçi ka thënë ndër të tjera se Dita e Komunës së Tuzit, e rëndësishme për shqiptarinë pasi është, komunë më vete e mundësi prosperiteti.

Letra përshëndetëse e Kryetarit të Kuvendit të Shqipërisë u lexua në ceremoninë festive dhe iu dorëzua autoriteteve nga deputeti Paulin Sterkaj.

Do të dëshiroja shumë të gëzoja bashkë me Ju në këtë ditë të rëndësishme për Komunën e Tuzit si edhe për shqiptarët në Malin e Zi. Por për arsye pune, kundër dëshirës sime, e kam të pamundur të marrë pjesë në këtë solemnitet të rëndësishëm.

1 shtatori, dita e shpalljes së Komunës së Tuzit si komunë më vete, është një ditë e shënuar jo vetëm për banorët e Tuzit dhe shqiptarët në Malin e Zi, por për të gjithë shqiptarinë. Ky status ju krijon mundësi më të mëdha për vendimmarrje, politika e shërbime më të mira për qytetarët, të cilët ju kanë zgjedhur tu shërbeni.

Jam i bindur se ju keni filluar dhe do të vazhdoni ta shfrytëzoni këtë status si një mundësi më shumë në të mirë të qytetarëve si edhe të bashkëpunimit me bashkitë dhe institucionet e Shqipërisë.

Kuvendi i Shqipërisë ka punuar dhe do të vazhdojë të punojë për fuqizimin e bashkëpunimit parlamentar dhe qeveritar me Republikën e Malit të Zi, për zgjerimin e bashkëpunimit me këtë vend fqinj dhe mik në të gjitha fushat.

Marrëdhëniet tona shumë të mira dypalëshe janë një mbështetje edhe për zhvillimin, mirëqenien dhe prosperitetin e Komunës së Tuzit si edhe të komunitetit shqiptar që jeton në Republikën e Malit të Zi.

Përshëndetjet e mia më të ngrohta me rastin e Ditës së Komunës së Tuzit dhe suksese në punën e mbarësi në familjet tuaja.”, shkruhet në letrën përshëndetëse të Kryetarit të Kuvendit, Gramoz Ruçi, drejtuar autoriteteve dhe banorëve të Komunës së Tuzit

error: Të drejtat e rezervuara !!