Veseli shpallet kryetar i PDK-së pa asnjë votë kundër (Video)

0

Me 740 vota të delegatëve të Konventës së Jashtëzakonshme të Partisë Demokratike të Kosovës dhe pa asnjë votë kundër, Kadri Veseli është zgjedhur kryetar i ri partisë më të madhe kosovare.

Edhe pse gara për kryetar ishte e hapur prej disa javësh, asnjë zyrtarë i PDK-së nuk ka dalë kundër kandidat i Veselit, ndërsa ky i fundit i falënderoi anëtarët për besimin unanim por edhe ish-liderin partiak.

Kryetari i ri i PDK-së që mbanë edhe detyrën e kryeparlamentarit kosovarë u zotua se do të punojë në reformim të partisë duke hapur dyert për kuadro të reja, ndërsa premtoi vazhdimin e punës për fuqizimin e shtetit të Kosovës.

“Jam shumë i sigurt se PDK do të vazhdojë qëllimin dhe vizionin e saj për shtet të pavarur dhe sovran, të zhvilluar ekonomikisht dhe që punon çdo moment për ndërtimin e shtetit, ne jemi parti pro-evropiane”, shtoi kryetari i ri i PDK-së.

Veseli zyrtarisht i është bashkuar PDK-së më 2 nëntor 2012 ku mori edhe librezën partiake në vendlindjen e tij në Mitrovicë, për të vazhduar pastaj marrjen e detyrave udhëheqëse në parti dhe në institucione.

Rrugëtimi i Kadri Veselit

error: Të drejtat e rezervuara !!