Igli Tare kritikon ministrin italian të sportit, kritika edhe për Juventusin dhe Interin

0

Lazio është skuadra që ka kërkuar me ngulm rifillimin e sezonit, ndërsa për këtë së fundmi ka folur edhe drejtori sportiv, Igli Tare. 

Megjithatë duke qenë se ende nuk ka një vendim për datën e rinisjes së stërvitjes, klubi kryeqytetas ka reaguar zyrtarisht ditën e sotme nëpërmjet Igli Tares, i cili akuzoi edhe Ministrin e Sporteve se po vepron në favor të atyre që nuk duan rifillimin e kampionatit.

“Kemi mbetur të gjithë të befasuar, pasi kemi respektuar çdo vendim të qeverisë dhe prisnim që 4 maji të ishte data e rifillimit të stërvitjes”.

“Kam dëgjuar edhe fjalët e ministrit Spadafora, të cilat më duken kontradiktore, sepse nga një anë thotë se mendon për shëndetin e të gjithëve, ndërsa nga ana tjetër lejojnë njerëzit të stërviten në park”.

“Nuk mund të jetë më i sigurt një park publik, sesa ambientet e klubeve që do të monitorohen sipas protokollit të sigurisë”, ka thënë fillimisht Tare.

Më pas ish sulmuesi i Kombëtares Shqiptare lëshoi kritika edhe për rivalët e Lazios në kampionatin Italian, Juventusin dhe Interin.


error: Të drejtat e rezervuara !!