Liderët politikë nga Kosova, Mali i Zi, Maqedonia, Presheva bashkë e shënojnë 577-vjetorin e Besëlidhjes së Lezhës

Njëra prej datave më thelbësore të historisë së popullit shqiptar, që konsiderohet edhe pikënisja e idesë për një shtet të bashkuar shqiptar, pa dyshim që është Besëlidhja e Lezhës e 2 marsit 1444.

 Në shënim të 557-vjetorit të Besëlidhjes së Lezhës, ka marrë pjesë kryetari i LVV-së, Albin Kurti, deputeti shqiptar nga Lugina e Preshevës në Kuvendin e Serbisë, Shaip Kamberi, Nik Gjeloshaj, kryetar i Tuzit në Mal të Zi, Ziadin Sela, Kryetari i Aleancës për Shqiptarët në Maqedoninë e Veriut dhe Oliana Moriseni, nënkryetar e Bashkisë së Lezhës.

Kryetari i LVV-së, Albin Kurti para të pranishmëve u shpreh se Besëlidhja e Lezhës ishte akt politik, publik e kolektiv i lidhjes së shqiptarëve.

Duke iu referuar Besëlidhjes së Lezhës, Kurti tha se populli shqiptar kudo që është duhet të faktorizohet.

“Sot teksa shënojmë përvjetorin e besëlidhjes, që është akt politik, publik e kolektiv i lidhjes së dëshirës së përbashkët me veprimin e secilit, nde duhet të mendojmë e veprojmë duke menduar sesi do të mendonin e vepronin nga Skënderbeu e deri tek rilindësit tanë e dëshmorët e luftës së fundit në Kosovë. Populli shqiptar duhet të faktorizohet”, u shpreh Kurti.

Kryetari i Tuzit, Nik Gjeloshaj u shpreh se kjo është një ngjarje historike.

“Kam kënaqësi të veçantë që ndodhem në mesin tuaj. Kjo është një ngjarje historike. Kemi mbijetuar si popull… gjuha, flamuri, kultura janë trimëria jonë e shenjtë dhe të ruhen me dinjitet. Ne së bashku kemi hapësirë të madhe për të ruajtur gjuhën dhe traditën tonë”, tha Gjeloshaj.

Kryetari i Aleancës për Shqiptarët në Maqedoninë e Veriut, Ziadin Sela tha se është nderë që në ditën e Lidhjes së Lezhës ndodhemi bashkë.

“Faleminderit për pritjen, urime dita. Është nderë për mua që në ditën e Kuvendit të Lezhës të jemi këtu bashkë. E rëndësishme sepse periudha për të cilën flasim ishte periudhë e lavdishme për shqiptarët. Ishte ky Kuvend që e ndërtoj Lidhjen e Prizrenit, dhe ishte Lidhja e Prizrenit ajo që i hodhi gurë themelin të një shteti shqiptar të mëvetësishëm”, tha Sela.

Deputeti shqiptar në Kuvendin e Serbisë, Shaip Kamberi tha se është nderë i veçantë që ai është i pranishëm në shënimin e këtij përvjetori.

“Është nder i veçantë për shqiptarët e Luginës dhe mua që të marr pjesë në shënimin e këtij përvjetori. Ai tha se Lidhja e Lezhës është referencë sot për të ardhmen”, tha Kamberi.

Shperndaje
error: Të drejtat e rezervuara !!