Rita Ora dhe Lorik Cana hapi koncertin për Nënë Terezën në gjuhën shqipe, të pranishëm edhe Rama dhe Thaçi

Këngëtarja me famë botërore me prejardhje nga Kosova, Rita Ora dhe kapiteni i kombëtares Lorik Cana kanë bërë hapjen e koncertit për nder të shenjtërimit të Nënë Terezës që në këto momente po mbahet në Romë përkatësisht në Bazilikën e Shën Palit

“Zonja e zotërinj, motra e vëllezër, mirëmbrëma”, ishin fjalët e këngëtares shqiptare, Rita Ora.

Pas kësaj ajo e vazhdoi fjalimin në gjuhën angleze, më pas vazhdoi në gjuhën shqipe dhe italiane ish kapiteni i Kombëtares Lorik Cana.

Futbollisti shqiptar po ashtu i falënderoi të gjithë të pranishmit, duke thënë se ky koncert është një falënderim dashurie me muzikë për Nënën Terezë, dhe duke e cituar fjalinë e saj të famshme se “vetëm dashuria do ta shpëtojë botën”, transmeton Klan Kosova.

Koncertin janë duke e përcjellë edhe personalitetet më të larta të institucioneve nga Kosova dhe Shqipëria ndër ta edhe Presidenti i Kosovës Hashim Thaçi dhe Kryeministri i Shqipërisë Edi Rama.

Shperndaje