Gjeloshaj: URGJENCA në Tuz do të hapet me 5 nëntor

Kryetari i Komunës së Tuzit, Nik Gjeloshaj ka njoftuar se Urgjenca në Tuz do të hapet të premten me 5 nëntor.

Të nderuar qytetarë,

Një tjetër projekt i rëndësishëm për komunën tonë është drejt përfundimit.

Sikur Ju kam lajmëruar edhe më herët, po punohet me ritme të shpejta për hapjene Urgjencës në komunën tonë, e cila do të hapet të premten, me 5 nëntor!

Për këtë projekt Komuna ka investuar 10 mijë euro, ndërsa nga partnerët tonë ndërkombëtarë, gjegjësisht nga Ambasada e Republikës popullore të Kinës, në Mal të Zi kemi fituar një donacion me vlerë prej 40 mijë eurosh.

Ky donacion vjen si shenjë mirënjohjeje dhe falënderimi për kujdesin që Komuna ka treguar vazhdimisht për shtetasit kinez, që jetojnë në territorin e Komunës së Tuzit e sidomos në kohën e karantinës.

Duke inspektuar gjendjen aktuale të urgjencës dhe duke parë nevojat që ajo ka, kemi vendosur që kjo shumë të përdoret për blerjen e automjetit për urgjencë.Blerja e këtij automjetit garanton jo vetëm intervenim më të shpejtë në rastet e urgjencave, por edhe siguron ofrimin e ndihmës adekuate për pacientët.

Falënderoj për punë të madhe dhe fjalë të mbajtur drejtorin e urgjencës dr. Vuk Nikoviq.

Puna vazhdon, Malësia po ndryshon!

NGJ

Shperndaje