Takim Shqipëri-Serbi, pjesëmarrës edhe shqiptarë dhe serbë nga Kosova

Kryeministri serb, Aleksandar Vuçiq ka zhvilluar një takim me kryeministrin e Shqipërisë, Edi Rama në Paris.

Siç shkruajnë mediat serbe, përcjell Telegrafi, kryeministri Vuçiq ka bërë të ditur se së shpejti do të mbahet një takim ndërmjet një grupi biznesmenësh dhe politikanësh nga Serbia dhe Shqipëria.

“Takimi do të organizohet me politikanë dhe ekonomistë për dy ose tre muaj, për të parë se si Beogradi dhe Tirana dhe Serbia dhe Shqipëria mund të afrohen dhe për të arritur marrëdhënie më të mira. Kjo është e mirë për diasporën tonë, për paqen dhe stabilitetin në rajon, por dhe për ekonominë tonë”, citohet të ketë thënë Vuçiq.

Vuçiq ka thënë më tej se kishte një bisedë plot përmbajtje me kryeministrin e Shqipërisë, Edi Rama, dhe se në takimin e paraparë do të marrin pjesë ata të dy, si dhe njerëz të biznesit nga të dy vendet, si dhe shqiptarë dhe serbë nga Kosova./Telegrafi/

Shperndaje