Sot në Tuz, Alternativa Shqiptare dhe Aleanca Shqiptare nënshkruan marrëveshjen për unifikimin e dy subjekteve politike. Pas bashkimit me Iniciativën Qytetare nga Plava, Iniciativën Qytetare Tuz, Aleanca Shqiptare nga Guci është subjekti i tretë që i bashkohet Alternativës Shqiptare.
Në deklaartën e arritur në adresen tonë, Alternativa Shqiptare fton intelektualët, të rinjët, grupet qytetare, si dhe subjektet tjera nacionale që t’i bashkangjitën këtij procesi të rëndësishëm dhe fundamental për ruajtjen e identitetit kombëtar, si dhe integrimin e merituar të popullit tonë në institucionet relevante.
DEKLARAT PËR OPINION
Të nderuar qytetar,
Duke njohur situatën aktuale politike në skenën shqiptare e që nuk është aspak e lakmueshme, Alternativa Shqiptare vazhdon me përpjekjen e bashkimit të skenës politike nacionale në Ma të Zi.
Pas bashkimit me Iniciativën Qytetare, arritëm marrëveshjen për bashkimin edhe të një faktori tjetër politik. Aleanca Shqiptare nga Gucia është subjekti politik i radhës që në të ardhmën do të veprojë në kuadër të Alternativës Shqiptare. Vendimi për shkrirje të përbashkët u sjell në Komunën e Gucisë, më 01.10.2017, në takimin ndërmjet përfaqësuesve të Alternativës Shqiptare dhe Aleancës Shqiptare.
Përfaqësuesit e Aleancës Shqiptare, që janë prezent me dy këshilltarë në Kuvendin komunal të Gucisë, potencuan rëndësinë e këtij bashkimi, duke apeluar që edhe subjektet tjera nacionale nga të gjitha trevat shqiptare të ndjekin rrugën dhe strategjinë që Alternativa Shqiptare po e praktikon kohëve të fundit.
Ne si subjekt serjoz, me angazhimin dhe veprimtarinë tonë, Jo me deklarata boshe, po e dëshmojmë bashkimin e subjekteve nacionale shqiptare, jo vetëm nga treva e Malësisë, por edhe në nivel të shqiptarve në Mal të Zi.
Dëshirojmë të njoftojmë opinionin e gjerë se që nga viti i kaluar, Alternativës Shqiptare i janë bashkuar tre subjekte nacionale, Iniciativa Qytetare e Plavës, Iniciativa Qytetare e Malësisë si dhe Aleanca Shqiptare e Gucisë.
Alternativa Shqiptare edhe me këtë rast, fton intelektualët, të rinjët, grupet qytetare, si dhe subjektet tjera nacionale që t’i bashkangjitën këtij procesi të rëndësishëm dhe fundamental për ruajtjen e identitetit kombëtar, si dhe integrimin e merituar të popullit tonë në institucionet relevante.
Marrëveshja për unifikim u nënshkrua në Tuz me 04.10.2017
Për ne, kjo është garanca dhe formula e vetme për sukses.
E ARDHMJA FILLON SOT!
Vendimi për unifikim hynë në fuqi menjëherë.
Tuz më 04.10.2017
Alternativa Shqiptare Aleanca Shqiptare
Gjergj Camaj Myftar Balidemaj