Ajeti kalon te Torino, Manaj nga Interi huazohet te Pescara

Arlind Ajeti do ta vazhdojë karrierën te skuadra e Torinos. Mbrojtësi 22 vjeçar sot në mëngjes ka arritur te Torino ku është duke kryer testet mjekësore dhe pritet të nënshkruaj një kontratë 3 vjecare me opsion për një vit tjetër shtesë.
Lojtari e mbylli sezonin e shkuar te Frosinone ku luajti 16 ndeshje duke shënuar dhe një gol, por me rënien nga kategoria të skuadrës, lojtari e prishi kontratën. Performanca e tij e mirë në EURO 2016 bëri të përflitej shumë për të ardhmen e futbollistit nga Podujeva.

Manaj huazohet te Pecara

Presidenti i klubit të Peskarës, Daniele Sebastiani, ka konfirmuar se klubi i tij ka mbyllur gjithçka për hyazimin e 19 vjeçarit Rei Manajt nga Interi. Ai e ka cilësuar futbollistin e ri shqiptar si një talent shumë premtues, por ka bërë të qartë se nuk duhet vënë shumë nën trysni.

Memushaj qëndorn te Pescara

I pyetur se si është situata me lojtarin tjetër të Kombëtarës Shqiptare.Ledian Memushajn, të cilin e kërkon me ngulm Bolonja, presidenti i Peskarës la të kuptohet se as nuk ka ndër mend të heqë dorë nga mesfushori i përfaqësueses shqiptare.

“Memushajt ia kam rinovuar prej kohësh kontratën. Si rrjedhojë, kapiteni do të qëndrojë. Për mua, ai është i pashitshëm”.

Gatuzo në vend të De Biasit

Ecuria e kuqezinjve ka bërë që trajneri i Kombëtares të jetë në listën e shumë Kombëtareve tjera si alternativë për të ardhmen që ata projektojnë.Prej ditësh, Rumania dhe Anglia janë dy pistat e shtuara së fundmi si alternativa për të ardhmen e De Biazit.

Kjo ka bërë që në Federatën Shqiptare të Futbollit të fillojnë të lëvizin gjërat.Drejtuesit e FSH-së po punojnë në prapaskenë për një zëvendësues të trajnerit aktual të Kombëtares në rast se ai do të vendosë të largohet. Bëhet fjalë për trajnerin e Pizas, ish-lojtarin e Milanit, Xhenaro Gatuzo.

Shperndaje
error: Të drejtat e rezervuara !!