Gjokaj: Zgjidhja më e mirë për Tuzin komunë në kuadër të kryeqytetit

Modeli që Tuzi të jetë komunë në kuadër të kryeqytetit me kompetenca të plota si të gjitha komunat tjera në Mal të Zi është zgjedhja më e mirë për momentin për Malësin dhe një hapë i madhë përpara shprehet për UlqininOnline drejtuesi i portalit malesia.me Anton Gjokaj .

Pas negociatave mes PDS-së (DPS) me partnerët e tyre të koalicionit qeverisës në Tuz dhe me një pjesë të opozitës kan ardhur deri te zgjedhja e cila do të jetë në interesin më të mirë për të gjithë qytetarët e Malësisë.Se një vetqeverisje lokale të tillë shumica e donë e tregon fakti që 16 nga 21 këshilltarët e Kuvendit të KU Tuzit e kanë nënshkruarë kërkesën për këtë model dhe vetem 5 kanë qenë kundër.

Gjokaj thotë se statusi i ri ka edhe disa përparësi , komuna e Tuzit do të financohet edhe nga buxheti operativ i Kryeqytetit edhe nga fondi egalizacion në qeverin e Malit të zi,ndërsa votuesit e Malësisë edhe më tutje do të kenë votën e dyfishtë, që ju mundëson qytetarëve të votojnë për këshilltarët e kuvendit të Tuzit por edhe atij të Podgoricës.Nëse disa thonë që vota e dyfishtë është vetëm që PDS-ja të ruajë pushtetin në Podgoricë, vota e dyfishtë është në favor edhe të partive shqiptare sepse pa votat nga Komuna e Tuzit këshilltarët nga listat e partive shqiptare nuk mund të hyjnë në Kuvendin e Podgoricës.

Për qytetarët e Malësisë e rëndësishme është që është siguruar modeli i Komunës e cila do jetë financiarishtë dhe ekonomishtë stabile dhe e qëndrueshme – përfundon Gjokaj.

Shperndaje