TUZ: Edicioni i Parë i Forumit të Gruas Shqiptare në Rajon

Sot, në komunën e Tuzit, është hapur panairi i artizanateve në të cilin u paraqiten 40 ekspozues nga 8 komuna të rajonit.

Në bashkëpunim me Unionin e komunave shqiptare në rajon, komuna e Tuzit, për herë të parë organizoi këtë veprimtari në këtë komunë ku u prezantuan punimet e më tepër se 40 ekspozuesve femra, nga 8 komuna të rajonit.

Panairin e hapi kryetari i komunës se Tuzit, Nik Gjeloshaj, i cili në fjalën e tij përshëndetëse ka shprehur kënaqësinë që i jepet rasti të jetë nikoqir i këtij aktiviteti, me më tepër se 40 femra ekspozuese dhe të cilave, njëkohësisht, u ka uruar Ditën ndërkombëtare të grave.

“Është kënaqësi të jesh mikpritës i këtij manifestimi në të cilën promovojmë bashkërisht kulturën tonë. Pikërisht, sot, është rasti unik të dëshmojmë respektin dhe kujdesin ndaj grave dhe rolin e tyre të pazëvendësueshëm në zhvillimin e shoqërisë, duke mos harruar se ato e meritojnë respektin tonë çdo ditë të vitit. Për këtë arsye, sot, në Ditën e festës ndërkombëtare të gruas, krahas këtij panairi, kemi organizuar edhe panel diskutimin për pjesëmarrjen e grave në jetën politike, ekonomike dhe publike në rajon. Një falënderim të veçantë, kemi ndaj Unionit të komunave shqiptare të rajonit, për mbështetjen dhe organizimin e këtij manifestimi me dëshirë që edhe në të ardhmen të vazhdojmë aktivitetet e përbashkëta në zhvillimin dhe promovimin e kulturës tonë “, theksoi Gjeloshaj.

Kryetarja e komunës së Tetovës, Teuta Arifi, është shprehur e kënaqur që ndodhet në Tuz dhe njëkohësisht i ka përgëzuar të gjitha pjesëtaret e gjinisë më të bukur me rastin e 8 Marsit.

“Si nënkryetare e Unionit, dëshiroj të falënderoj kryetarin Gjeloshaj, për kontributin e dhënë në formimin dhe punën e Unionit. Qëllimi ynë është që të vazhdojmë bashkëpunimin ngjashëm sikur sot në Tuz edhe në të ardhmen,” theksoi Arifi.

Ndërkohë, manifestimi ka vazhduar me panel diskutimin në Kuvendin e Komunës së Tuzit, ku pjesëmarrësit i ka përshëndetur kryetari i komunës Gjeloshaj, duke u uruar punë të mbarë me dëshirën që ky takim t’i kontribuoi pozitës më të mirë të gruas në shoqëri.

“Pikërisht jam këtu që në këtë konferencë të promovojmë femrat e suksesshme dhe kurrsesi, për ankesa të ndryshme, pasi gratë nuk kërkojnë ti ankojmë sepse ato punojnë dhe i kontribuojnë zhvillimit të përgjithshëm të shoqërisë,” ka thënë Gjeloshaj.

Panel diskutimi me moton “Gratë e suksesshme të rajonit,” është rasti që, pjesëmarrëset në diskutim, të debatojnë dhe të prezantojnë pozitën aktuale të gruas në jetën shoqërore dhe politike.

Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit
Fotografia e Opština Tuzi - Komuna e Tuzit


Shperndaje
error: Të drejtat e rezervuara !!