Fronti Demokratik (DF) ka vendosur të mbështesë Mladen Bojaniq si kandidat të opozitës në zgjedhjet e ardhshme presidenciale, tha njëri nga udhëheqësit e FD Andrija Mandiq. Bojaniq më heret ka marrë mbështetjen e Demokratëve dhe Levizjes Qytetare URA.
“Opozita në Malin e Zi është bashkuar, do të kemi kandidatin prapa të cilin do të qëndrojnë të gjithë i cili do jetë edhe president i ardhshëm i Malit të Zi,” tha Mandiq.
Ai i bëri thirrje pjesës tjetër të opozitës që të mbështesin Bojaniq dhe të tërheqin kandidaturat e shpallura.
Deri tani nga blloku opozitar në garën presidenciale kanë hyrë Draginja Vuksanoviq nga SDP dhe kryetari i Malit të Zi të Bashkuar Goran Danilloviq./Malësia.ME/