The Guardian: Serbia në heshtje deportoi paramilitarët rusë që planifikonin sulme në MZ

Serbia ka deportuar një grup të rusëve të dyshuar për përfshirjen në komplot për grusht-shtet në Malin e Zi, mëson The Guardian.

Komplotistët planifikonin që të veshën me uniforma të policisë për ta sulmuar Parlamentin e Malit të Zi, kryeministrin Millo Gjukanoviq dhe për të instaluar një parti pro-Moskës.

 Involvimi i rusëve në komplotin e tetorit ka rritur intrigën për ambiciet e Moskës në një pjesë të Europës që mendohej deri tani se do të gravitojë drejtë orbitës së BE’së.

Një grup prej 20 serbëve dhe malazezëve, disa prej të cilëve kishin luftuar me separatistët e mbështetur nga Moska në Ukrainën lindore, u arrestuan në Podgoricë, kryeqytetin e Malit të Zi. Në Serbi, ndërkohë, disa shtetas rusë janë dyshuar për koordinim të komplotit dhe u kapën me 120 mijë euro dhe uniforma të forcave speciale.

Burimet diplomatike të “The Guardian” thonë se qeveria e Beogradit në heshtje ka dëbuar rusët pas ndërhyrjes së kryetarit të Këshillit të Sigurimit të Rusisë, Nikolai Patrushev, i cili fluturoi në Beograd më 26 tetor, në një përpjekje të dukshme për përmbajtjen e skandalit. Ministri i brendshëm i vendit, Nebojsha Stefanoviq mohoi se qeveria ka kryer ndonjë dëbim lidhur me komplotin.

 Sipas burimeve të afërta të “The Guardian”, qeveria në Beograd tha për Patrushev, ish-shefi i FSB’së (Shërbimit Federal të Sigurisë), se i kërkoi falje për atë që e karakterizuan si një operacion mashtrues që nuk kanë bekimin e Kremlinit.
Shperndaje