Sot heshtje zgjedhore në Kosovë, nesër zgjedhjet

Këtë të shtunë në Kosovë është heshtje zgjedhore. Më 14 shkurt, qytetarët drejtohen tek kutitë e votimit për përzgjedhjen e një legjislature të re qeveritare.

Këtë të dielë, 1.8 milionë qytetarë të Kosovës me të drejtë vote do të zgjedhin midis 28 partive politike që garojnë për parlamentin e ri. Të gjitha sondazhet parashikojnë Lëvizjen Vetëvendosje dhe liderin e saj Albin Kurti, si fitues.

Kurti do të garojë së bashku me Presidenten në detyrë, Vjosa Osmani.

“Është koha për referendum. Në këtë 14 shkurt, ju do të vendosni për një të ardhme më të ndritshme, ku Vjosa si presidente dhe unë si kryeministër do të jemi përgjegjës, të përkushtuar dhe do ju shërbejmë ju. Besoni Vjosën dhe më besoni mua”.

Megjithatë, të gjithë krerët e partive i kanë sytë drejt çmimit të madh: postin e Kryeministrit të ri.

Shperndaje
error: Të drejtat e rezervuara !!