SHBA bombardon ISIS-in me bombën më të madhe jo-nukleare në histori

Shtetet e Bashkuara të Amerikës ka hedhur bombën më të madhe jo-nukleare në historinë e saj, e cila ka rënë në pjesën lindore të Afganistanit, ku gjinden militantët e Shtetit Islamik ISIS, shkruan The Independent.

Pentagoni ka konfirmuar se sulmi është kryer duke përdorur armën 10 mijë kilogramëshe, e njohur për forcat ajrore amerikane si “nëna e të gjitha bombave”.


Burime ushtarake thonë se në shënjestër të saj kanë qenë tunelet e ISIS-it dhe personeli në rajonin Achin të provincës Nangarhar. Aktualisht, ushtria po vlerëson dëmet e shkaktuara prej saj.

Bomba e llojit “GBU-43/B”, është hedhur rreth orës 19 të pasdites së të enjtes, sipas burimeve të CNN-it, ndërsa rrezja e prekur prej saj është prej 300 metrash. Kjo është edhe hera e parë që përdoret një bombë e tillë në një fushëbetejë, sipas zyrtarëve amerikanë.

Shperndaje
error: Të drejtat e rezervuara !!