Loja vrasëse ”Balena Blu” mbërrin edhe në Kosovë dhe Shqipëri (Video)

Prej disa ditësh media në Shqipëri është përfshi nga lajmet për lojën ”Balena Blu” që çon të rinjët drejt vetëvrasjes.Situata u ndes pas rastit të një vajze nga Gjirokastra, që kishte ra vikimë e kësaj loje.

Kjo lojë e rrezikshme online e njohur si ‘Balena Blu’, tashmë është lajmëruar edhe në Kosovë.

Të paktën dy adoleshent, në kushte anonimiteti, kanë pranuar se e kanë nisur këtë aventurë, por që më kohë janë larguar prej saj.

Si rezultat i kësaj loje, që është përhapur në gjithë botën, deri me tani kanë humbur jetën shumë të rinj.

Adoleshentët nga Kosova që kanë luajtur këtë lojë kanë rrëfyer disa për kërkesat e administratorëve të kësaj loje.Sipas këtyre fëmijëve, disa nga kërkesat e administratorit të lojës janë: qëndrimi pa gjumë, sjelljet e këqija në shkollë, shikimi i filmave horror, qëndrimi në kulm të shtëpisë, qëndrimi me këmbë të varura, prerja e buzëve dhe duarve me thikë, derisa në nivelin e fundit, atë të 50, ju kërkohet të bëjnë vetëvrasje.

“Janë 50 nivele në nivelin e fundit kërkesa e tyre është me kërcye prej ballkonit”, rrëfen njëri fëmijë kosovarë.

“Misioni i 50 është me e vra vetën”, rrëfen fëmija tjetër në kushte anonimiteti.

Policia e Kosovës kërkon nga prindërit të kenë kujdes me lojën vdekjeprurëse “Balena Blu” e cila ka vrarë 130 fëmijë në Rusi si dhe ka rrezikuar me jetë disa adoleshentë në Shqipëri.

Policia përmes një komunikate thotë se e sheh si nevojë të domosdoshme që prindërit dhe shoqëria të mbikëqyrin fëmijët në përdorim të internetit.

https://www.youtube.com/watch?v=AumzY5dlBxw

Shperndaje
error: Të drejtat e rezervuara !!