Lista Shqiptare do të hartojë platformën me kërkesat jetike për shqiptarët

0

Listës Shqiptare “Genci Nimanbegu – Nik Gjeloshaj”  ka mbajtur dje mbledhjen në të cilën është dakorduar që të hartohet platforma për negociatat e mundshme në të cilën do të përfshihën kërkesat jetike të shqiptarve në Mal të Zi. 

Nga kjo listë theksohet se për shqiptarët mund të vendosin e pyeten vetëm shqiptarët.

Kumtesë e Listës Shqiptare “Genci Nimanbegu – Nik Gjeloshaj”

Më 15 shtator 2020, u mbajt mbledhja e liderëve të Listës Shqiptare “Genci Nimanbegu – Nik Gjeloshaj” në të cilën u shqyrtuan: rezultatet e zgjedhjeve të 30 gushtit, situata aktuale pas shpalljes së rezultateve zyrtare, si dhe kontaktet dhe bisedimet e bëra nga bartësit e listës dhe përfaqësuesit e subjekteve të Listës në periudhën paszgjedhore.

U dakordua për të krijuar trupin punues i cili do të përpilojë platformën për negociatat e mundshme për qeverisje e cila do të përfshijë të gjitha çështjet dhe kërkesat jetike të cilat i kanë bërë subjektet tona siç janë Valdanosi, decentralizimi i pushtetit, planifikimi hapësinor, privatizimet apo përcaktimi i drejtë i vijës bregdetare, por edhe sfidat e reja të popullit shqiptar në Mal të Zi të cilat kërkojnë vëmendje dhe dedikim të veçantë të faktorit politik shqiptar në Mal të Zi konform parimit dhe zotimit që për shqiptarët mund të vendosin e pyeten vetëm shqiptarët.

error: Të drejtat e rezervuara !!