Rama në sheshin “Skënderbej” me të rinjtë që votojnë për herë të parë (Video)

Partia Socialiste ka nisur fushatën elektorale për zgjedhjet që do të mbahën në 18 qershor në Shqipëri.

Në sheshin “Skënderbej”, kreu i PS Edi Rama zhvilloi një takim me të rinjtë që votojnë për herë të parë në qarkun Tiranë.Në takim ishtë i pranishëm kryeministri Rama, kryebashkiaku Veliaj, kryetari i PS për Tiranën, Saimir Tahiri dhe mijëra të rinj.

Kryeministri Edi Rama u shpreh se PD ka fituar përballë të majtës vetëm kur kjo e fundit ka qenë e përçarë. Rama paralajmëroi një të majtë të bashkuar edhe në zgjedhjet e 18 qershorit, duke nënkuptuar kështu rinovimin e koalicionit PS-LSI.

Kryeministri ka deklaruar se protesta e opozitës në çadër është një kauzë e rremë, prapa të cilës fshihet sipas tij frika nga drejtësia.

“Çadrën e kanë ngritur mu në mes të procesit demokratik. Duan t’i zënë Shqipërisë rrugën, duan t’ju zënë ju dhe prindërve tuaj rrugën, sepse e vërteta është se ata nuk kanë fituar kurrë përveçse kur ne kemi qenë të ndarë”, ka thënë Rama.

https://www.youtube.com/watch?v=9F_YGSZTAGM

Shperndaje
error: Të drejtat e rezervuara !!