Gjukanoviq nesër në Tiranë në takimin rajonal

Presidenti Millo Gjukanoviq nesër do të niset për në Tiranë, me ftesë të Kryeministrit shqiptar Edie Rama, për të marrë pjesë në Takimin Rajonal – Ballkani Perëndimor.

Takimi organizohet si pjesë e nismës trepalëshe nga Serbia, Shqipëria dhe Maqedonia Veriore, e iniciuar nga Presidenti Vuçiq dhe Kryeministrat Rama dhe Zaev.

“Pjesëmarrja e Presidentit Gjukanoviq është një konfirmim i angazhimit të Malit të Zi për bashkëpunimin rajonal dhe stabilitet, promovimin e marrëdhënieve të fqinjësisë së mirë, si dhe përgjegjësi ndaj detyrimeve në procesin e negociatave me BE-në, njoftuan nga kabineti i presidentit.

Presidenti i Kosovës, Hashim Thaçi ka refuzur ftesën që të marrë pjesë në këtë takim rajonal.

Presidenti i Kosovës, pasi refuzoi ftesën, theksoi se Serbia ka kryer gjenocid kundër qytetarëve të Republikës së Kosovës dhe sot jo vetëm që mohon krimet e kryera, por vazhdon të mos e pranojë ekzistencën e shtetit të Kosovës./Malësia.ME/

Shperndaje
error: Të drejtat e rezervuara !!