Takimi i G20-ës, shqetësime për ekonominë botërore

Ministrat e Financave të G20-ës u zotuan për t’i dhënë një shtytje ekonomisë botërore, për të cilën ata u shprehën se po rimëkëmbet me vështirësi.

Delegatët në takimin që u mbajt në Chengdu të Kinës dolën sot me një deklaratë në përfundim të takimit dy-ditor. Ata shprehën shqetësim për planin e Britanisë për t’u larguar nga Bashkimi Evropian dhe për pasojat që do të kishte kjo tek ekonomia botërore.

Bashkimi Evropian është i përgatitur që “në mënyrë proaktive të trajtojë pasojat potenciale ekonomike dhe financiare” të daljes së Britanisë nga BE, kanë thënë përmes një komunikate ministrat e financave të 20 vendeve më të industrializuara.

Ministrat e financave dhe udhëheqësit e bankave kombëtare të 20 ekonomive më të fuqishme të botës e kanë publikuar komunikatën më 24 korrik pas bisedimeve dy ditore në qytetin kinez, Chengdu.

Komunikata shton se “ne shpresojmë të shohim Britaninë si partner të afërt të BE-së” në të ardhmen.

Ministri francez i financave, Michel Sapin, iu ka thënë gazetarëve se ministrat e G20-ës janë pajtuar që bisedimet për BREXIT të nisin sa më shpejtë që është e mundshme me qëllim të zvogëlimit të paqartësive. Megjithatë, ministri britanik i financave, Philip Hammond, ka thënë se “paqëndrueshmëria” në tregun financiar është e mundshme që të ndodhë gjatë dy vjetëve sa pritet të zgjasin negociatat për daljen e Britanisë nga BE-ja.

Shperndaje
error: Të drejtat e rezervuara !!