Kriza e emigrantëve mbledh kryeministrat e Ballkanit në Vjenë

Në Vjenë të Austrisë janë mbledhur kryeministrat e Ballkanit dhe drejtuesit e Bashkimit Europian, në një minisamit që ka në fokus krizën emigranteve dhe ku rajoni ynë është një nyje e rëndësishme e kalimit të tyre në brendësi të kontinentit.

Nisma është e Kancelarit austriak Christian Kern. Në tryezën “Migrimi përgjatë rrugës ballkanike” janë të pranishëm Kryeministri i Shqipërisë, Bullgarisë, Kroacisë, Greqisë, Hungarisë, Rumanisë, Serbisë, Maqedonisë dhe Sllovenisë.

Po ashtu, është edhe Kancelarja Angela Merkel, Presidenti i Këshillit Europian Donald Tusk dhe ai i Komisionit Europian, Jean-Claude Juncker.

Në prag të këtij samiti,  Amnesty International deklaroi se  mbyllja e kufijve që disa vende të Bashkimit Europian bënë edhe pas marrëveshjes së arritur për refugjatët, ka rezultuar në një dështim në menaxhimin e krizës.

Alarmin për moszbatimin e saj e ka ngritur edhe Greqia, e cila strehon mijëra refugjatë sirianë. /Top Channel/

Shperndaje
error: Të drejtat e rezervuara !!