RCC prezanton suksesin historik të Ballkanit Perëndimor, pas negociatave tre vjeçare

Duke filluar nga 1 korriku, i gjithë Ballkani Perëndimor do të jetë një zonë, ku roaming do të jetë falas. Kostot e roaming midis Shqipërisë, Bosnjës dhe Hercegovinës, Kosovës, Malit të Zi, Maqedonisë së Veriut dhe Serbisë do të jenë zero. Për të festuar këtë datë të rëndësishme për Ballkanin Perëndimor, Këshilli i Bashkëpunimit Rajonal (RCC), me mbështetjen e Qeverisë së Maqedonisë së Veriut, po organizon këtë festë me artistë të Ballkanit Perëndimor, një koncert me grupe muzikore dhe DJ nga i gjithë rajoni. Gjithçka nis më 1 Korrik 2021, në orën 19.00 në Plazhin Oteshevo (Liqeni i Prespës, Maqedonia e Veriut).

Bashkohuni me ne në këtë ditë festive në Lake View në Oteshevo ose na ndiqni në transmetim të drejtpërdrejtë në YouTube për të parë dhe dëgjuar: S.A.R.S. (nga Serbia) UZUN BABA OG! – SEKTOR 909 (nga Maqedonia e Veriut) URAN B (nga Kosova*) HELEM NEJSE (nga Bosnja & Hercegovina) DJ SARDI (nga Shqipëria)
WHO SEE (nga Mali i Zi) Ky është suksesi historik i Ballkanit Perëndimor që erdhi si rezultat i negociatave gati tre vjeçare, të lehtësuara nga RCC dhe Bashkimi Evropian, pas të cilave përfaqësuesit e të gjitha qeverive të BB6 nënshkruan marrëveshjen, në Prill 2019, duke rënë dakord që së pari të ulnin gradualisht çmimet e Roaming dhe përfundimisht t’i zeronin ato duke filluar nga 1 korrik 2021.

Nga 1 Korriku, jemi gati që të nisim punën intensive për një tjetër sfidë: tarifa zero në roaming edhe mes Ballkanit Perëndimor dhe vendeve të BE-së. Ky moment po vjen. Jemi vetëm pak ditë larg nga realiteti: rajon pa roaming. RCC është krenare që ka qenë që prej fillimit pjesë e këtij procesi që do të sjellë rezultate të vërteta dhe të prekshme të Tregut të Përbashkët Rajonal për qytetarët tanë.

Shperndaje
error: Të drejtat e rezervuara !!