Markoviq: Mali i Zi po hyn në fazën e fundit të luftës kundër koronavirusit

Kryeministri i Malit të Zi Dushko Markoviq ka njoftuar se vendi po hyn në fazën e fundit të luftës kundër koronavirusit dhe se më 18 maj vendi do të kthehet në normalitet.

Markoviq tha se qeveria po përgatit një paketë serioze për turizëm me bankat dhe Fondin e Investimeve dhe Zhvillimit, për të cilin ai tha se do të synojë të ruajë investimet në turizëm duke siguruar likuiditetin e ekonomisë së turizmit, në mënyrë që të jetë gati për të filluar sezonin.

“Faza tjetër e përshpejtimit ekonomik dhe fillimi i aktiviteteve të reja është 18 maji kur do të fillojnë punën hotelet, restorantet, kafenet, klubet dhe besojmë se në këtë mënyrë do të fillojmë të rikthejmë në jetë të gjithë vendin, për të vënë potencialin tonë krijues, ekonomik, qytetar dhe personal në një funksion të shpejtë të rimëkëmbjes,” tha Markoviq, transmeton RTCG.

Shperndaje