Kosova dhe Mali i Zi me marrëveshje për bashkëpunim kulturor

Qeveria e Kosovës dhe Qeveria e Malit të Zi kanë nënshkruar dje një marrëveshje kulturore e cila i rregullon dhe e konkretizon bashkëpunim kulturor ndërmjet dy shteteve,  njofton kumtesa ministrore.

Marrëveshja u nënshkrua nga ministrat e kulturës, të dy vendeve, Kujtim Shala dhe Janko Ljumoviq, në praninë e kryeministrit të Republikës së Kosovës, Isa Mustafa dhe ambasadorit të Malit të Zi në Kosovë Ferhat Dinosha.

Fillimisht, kryeministri Mustafa priti në takim ministrin e Kulturës të Malit të Zi, Janko Ljumoviq, ku u bisedua për bashkëpunimin e dy vendeve, më theks të posaçëm në fushën e kulturës.

Kryeministri Mustafa, me ketë rast, vlerësoi raportet shumë të mira bilaterale ndërmjet dy shteteve duke theksuar përkushtimin e Kosovës për fuqizimin e  bashkëpunimit me Malin e Zi.

Pas takimit, ministri i Kulturës, Rinisë dhe Sporteve i Kosovës, Kujtim Shala dhe ministri i Kulturës i Malit të Zi, Janko Ljumoviq, nënshkruan Marrëveshjen për Bashkëpunim Kulturor, e cila synon të zgjerojë bashkëpunimin ndërmjet institucioneve përgjegjëse të dy shteteve në fushën e kulturës, duke mbështetur bashkëpunimin në të gjitha fushat e kulturës dhe artit, për t’i njohur dhe prezantuar publikut dhe palëve të treta, trashëgiminë kulturore dhe të arriturat bashkëkohore kulturore të të dyja vendeve.

Kosova dhe Mali i Zi me marrëveshje për bashkëpunim kulturor

Sipas marrëveshjes, Kosova dhe Mali i Zi, po ashtu, do të angazhohen në promovimin e bashkëpunimit në mes të institucioneve të tyre përkatëse, të cilat janë përgjegjëse për fusha të tilla si: arkivat, bibliotekat, muzetë, letërsinë, muzikën, artet pamore dhe performuese, veprimtaritë botuese, kinematografinë dhe mediat e tjera audiovizuale.

Kosova dhe Mali i Zi me marrëveshje për bashkëpunim kulturor

Po ashtu, dy vendet do të nxisin bashkëpunimin e drejtpërdrejtë në fushën e muzikës dhe vallëzimit, shkëmbimit të informacionit dhe ftesave reciproke për muzikë, balet, vallëzim dhe ngjarje të tjera ndërkombëtare të mbajtura në territorin e vendeve të tyre.

Kosova dhe Mali i Zi me marrëveshje për bashkëpunim kulturor

Kosova dhe Mali i Zi me marrëveshje për bashkëpunim kulturor

Shperndaje