Güleni trazon Kosovën: Haradinaj shkarkon ministrin e Brendshëm dhe kreun e AKI-së (Video)

Episodi i një ditë më parë ka shkaktuar një tërmet të vërtetë në Kosovë. Kryeministri Ramush Haradinaj shkarkoi ministrin e Punëve të Brendshme, Flamur Sefaj, dhe drejtorin e Agjencisë së Inteligjences (AKI), Driton Gashi.

Haradinaj, ashtu si kreu i shtetit Hashim Thaçi, u shpreh një ditë më parë se nuk ishin informuar në kohë mbi këto arrestime, e ajo që shefi i ekzekutivit e bëri të qartë se do të kërkonte në mënyrë të veçantë të sqaronte, ishte nxitimi i deportimit.

Në letrën e shkarkimit, Haradinaj thekson se veprimet e së enjtes janë tërësisht të papranueshme dhe në kundërshtim me vlerat dhe parimet e Kosovës, si popull dhe si shtet.

Agjencitë turke të lajmeve thonë se, 6 të deportuarit nga Kosova janë tani në duart e autoriteteve turke, që i konsiderojnë përgjegjës për rekrutime në rrjetin e Gulenit dhe se kanë ndihmuar disa ndjekës të tij në Turqi të largohen nga vendi në mesin e aksionit që prodhoi mijëra shkarkime nga puna e arrestime.

Shperndaje